22 feb. 2019

ASAMBLEA XERAL ORDINARIA 2019

     O sábado 09/03/2019 ás 20:30h. celebraremos a Asamblea Xeral Ordinaria na "Casa da Irmandade" de Sobrado, é dicir no local social situado ao lado do Centro de Saúde de Sobrado. A orde do día será a seguinte:
  1. Aprobación, se procede, das contas do exercicio 2018.
  2. Entrega dos carnés do 2019 e pago de cuotas.
  3. Actividades a realizar ao longo do presente ano.
  4. Informacións varias.
  5. Rogos e preguntas.
               Animamos a todos os socios/as a que asistan á reunión para facelos partícipes das decisións e acordos que nela se leven a cabo. Ademais gustaríanos que aporten ideas e opinións para poder marcar entre todos o camiño desta asociación. Tamén deixamos a porta aberta para todas aquelas persoas amantes do cabalo que queiran formar parte dos Cabaleiros do Tambre.

8 abr. 2016

COMIDA ANUAL DOS SOCI@S

      Todo preparado para disfrutar mañá sábado dun gran día con todos os nosos SOCI@S. Sólo falta que non chova para poder dar unha voltiña antes do xantar. Recordade que quedamos as 14:00h. no pavillón polideportivo de Sobrado. 

     Despois de comer abriremos o bar e teremos a actuación dun dúo, poderase acercar todo aquel que teña ganas de FESTA!!!!



14 ago. 2015

IV XUNTANZA CABALAR EN SOBRADO

Como cada ano o primeiro sábado de setembro Os Cabaleiros do Tambre organizamos a Xuntanza Cabalar en Sobrado (xa van catro anos).

Este ano como grandes novidades teremos pola tarde unha gran EXHIBICIÓN DE DOMA VAQUERA e pola noite CHURRASCO GRATIS para todos os participantes da Xuntanza.

Contamos con vós, non faltedes!!!!!


24 may. 2015

NOVO ANUNCIO DE BUDWEISER

A marca de cervexa Budweiser segue apostando polos cabalos nos seus anuncios, este foi o que presentou para promocionarse na final da Super Bowl 2015.

22 may. 2015

TOTILAS, UN DOS MELLORES CABALOS DO MUNDO


Totilas é un cabalo de raza KWPN, está considerado un dos mellores cabalos de doma clásica de todo o mundo. En 2010 gañou 3 medallas de ouro nos Xogos Ecuestres Mundiais e foi vendido por 10 millóns de euros.




20 nov. 2014

"Sálvora convértese en reserva da ameazada raza cabalar galega" - LA VOZ DE GALICIA 31-10-2014



Os cabalos de pura raza galega xa teñen o seu propio paraíso, a illa de Sálvora, que conserva nas súas 190 hectáreas un lendario pasado de cría de gando porcino, cabalar, asnal e mular, e unha non menos admirable historia de heroísmo, o mostrado polos seus habitantes o 2 de xaneiro de 1921, cando non dubidaron en retar a un temporal para facerse ao mar nas súas dornas para axudar aos náufragos do buque Santa Isabel, que se afundiu nas súas costas. Agora, a emblemática illa de Ribeira, pertencente ao Parque Nacional das Illas Atlánticas, converteuse en reserva da ameazada raza autóctona cabalar. A finais de setembro, a Asociación Equina de Galicia e a Asociación Pura Raza Cabalo Galego viron feito realidade un soño perseguido durante dezasete anos.
Ata hai un mes, na illa tiñan o seu fogar nove cabalos mestizos con serios problemas debidos á consanguinidad. Un grupo formado por 35 persoas, entre gandeiros e membros do Parque Nacional das Illas Atlánticas, realizaron xunto á praia do peirao o curro máis singular da historia para sacar a eses exemplares da illa e converter en novos habitantes a catro eguas e a un semental, todos eles rexistrados no libro genealógico de razas e en cuxa selección colaborou a Asociación Cabalo Galego.
As entidades promotoras da iniciativa din que ademais de lograr un hábitat adecuado para a supervivencia dunha especie ameazada, os cabalos tamén contribuirán beneficiosamente á illa colaborando na conservación da súa biodiversidade e na conservación da paisaxe.

Control do sotobosque
Un dos integrantes das asociacións que participan nesta experiencia pioneira, Xacobo Pérez, definía aos equinos como «bombeiros voluntarios» porque ao alimentarse de masa arbustiva axudan ao control do sotobosque.
Aínda que lonxe de terra, os cinco exemplares están perfectamente localizados mediante uns colares equipados cun dispositivo GPS controlado mediante satélite. Cada seis horas supervísase a actividade da manda para coñecer os seus costumes. Xacobo Pérez explica que a maior parte do tempo pásana na praia de Lagos, unha das da illa, e por agora non se achegaron nin á zona do faro nin ao bosque de eucaliptos que hai no espazo protexido.
As asociacións cabalares están á espera da firma dun convenio coa Xunta, xa que cada dous anos será preciso cambiar ao semental para que non se cruce cos seus fillos e, anualmente, efectuar un curro para retirar aos poldros machos e deixar unicamente ás femias que cumpran os parámetros da raza.

LA VOZ DE GALICIA , 31-10-2014